.png)
Nga Gazeta Si- Agjentët antidrogë në Tiranë kanë kryer mëngjesin e kësaj të marte një aksion në zona të ndryshme të kryeqytetit.
Në kuadër të këtij operacioni janë arrestuar 27 persona që merreshin me shpërndarjen e lëndëve narkotike. Po ashtu mësohet se janë dhënë 34 masa sigurie.
Policia e Shtetit ka bërë me dije detaje në lidhje me operacionin e zhvilluar gjatë natës e deri në orët e para të mëngjesit në kryeqytet.
Në një konferencë për shtyp bëhet me dije se në kuadër të operacionit “Blic 34” u ekzekutuan 27 masa “Arrest me burg” për veprat “prodhim shitje narkotikësh”, vijon puna për kapjen e 7 personave të tjerë.
Hetimet, kanë zgjatur prej fillim vitit 2025 ku janë aplikuar metoda speciale të hetimit dhe është dokumentuar veprimtaria kriminale e shpërndarjes së lëndëve narkotike në zona të ndryshme të Tiranës.
Nga veprimet hetimore rezulton se këta shtetas shpërndanin lëndën narkotike në lagje, lokale e në afërsi të shkollave në qytetin e Tiranës.
Këta shtetas vepronin individualisht dhe të shpërndarë në të gjithë territorin Tiranës.
Gjatë këtij procedimi, në faza të ndryshme janë sekuestruar në cilësinë e provës materiale:
• 3.4 kilogramë lëndë e dyshuar narkotike Kokainë.
• 150 doza lëndë e dyshuar narkotike Heroinë.
• 500 doza ekstazi
• 12 kg lëndë e dyshuar narkotike Cannabis Sativa.
• 26 telefona celular të markave të ndryshme.
• 10 automjete të markave të ndryshme.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
