.png)
Gazeta Si – Pas Redon Xhixhës, që kaloi në Azerbajxhan, te Karabagu, Tirana ka shitur edhe kapitenin Marsel Ismajlgeci. Mbrojtësi i krahut të majtë është transferuar te Zrinjski Mostar në Bosnjë.
Me këtë ekip Tirana është ndeshur në Kupat e Europës dhe duket se boshnjakët e kanë fiksuar këtë lojtar. Nga shitja e Ismajlgecit, i cili ka mbajtur shiritin e kapitenit te Tirana, klubi bardheblu ka marrë 150 mijë euro.
Tirana ka bërë disa shitje të rëndësishme kohët e fundit. Në verë shiti sulmuesin Taulant Seferi dhe mesfushorët Ardit Toli e Enur Totre. Tani në janar ishte radha e Redon Xhixhës, Vesel Limajt dhe Marsel Ismajlgecit.
Në krahun tjetër, klubi ka bërë disa afrime me peshë, si Regi Lushkja dhe Kristal Abazaj, por ky i fundit ka pësuar një dëmtim dhe do të mungojë të paktën një muaj. Është një lajm i keq për trajnerin Shehi, sepse Abazaj erdhi për të zëvendësuar Xhixhën, një pikë kyçe e skuadrës deri tani.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
