Gazeta Si – Tirana ka reaguar menjëherë pas humbjes me Kukësin. Kampionët në fuqi të Superiores fituan sot 1-2 ndaj Egnatias në stadiumin e Rrogozhinës, me gola të shënuar nga Përgjoni dhe Hasani me penallti.
Ndeshja nisi në mënyrën më të mirë për kryeqytetasit, të cilët kaluan në avantazh që në minutën e parë. Përgjoni ndoqi një aksion të zhvilluar në të djathtë dhe topin e krosuar në zonë e çoi në rrjetë me një të majtë precize.
Egnatia barazoi shpejt me sulmuesin Duamena. Ndeshja do të vendosej në pjesën e dytë, kur Tirana fitoi një penallti për një prekje të topit me dorë nga mbrojtësit rrogozhinas. Hasani nuk gaboi nga pika e bardhë dhe 1-2.
Tirana e mbylli ndeshjen me 10 vetë, pasi portieri Bakaj u dëmtua. Vendin e tij e mori Përgjoni, i cili u detyrua të vinte dorezat, sepse skuadra bardheblu i kishte bërë të gjitha ndërrimet. Tirana shkon kështu në +6 pikë nga Partizani, që sot u mund nga Laçi 1-2.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.