Ndryshimi i radhës në stolin e Teutës, skuadrës kampione në fuqi. Emrat në fakt mbeten të njëjtë: largohet Edi Martini dhe drejtimin e skuadrës e merr sërish ish-kapiteni Renato Arapi, kurse në postin e drejtorit teknik rikthehet Sulejman Starova.
E njëjta lëvizje u bë në fundin e vitit 2021, kur Martini dha dorëheqjen për shkak të rezultateve. Arapi u emërua trajner dhe e drejtoi Teutën në disa ndeshje, pasi presidenti Edmond Hasanbelliu vendosi të rikthente trajnerin shkodran, por gjërat nuk shkuan mirë në vazhdim.
Teuta ka pësuar 4 humbje radhazi. Disfata me Laçin ishte fatale për Martinin, që është larguar për herë të dytë, ndërsa Arapi për herë të dytë në këtë sezon merr në dorë “çelësat” e skuadrës durrsake, shumë larg objektivave.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.