Nga Gazeta Si- Në 15 ditët e para të muajit tetor, muaji i ndërgjegjësimit të ndaj kancerit të gjirit janë kryer 4331 ekzaminime dhe mamografi.
Lajmin e ka dhënë ministrja e Shëndetësisë dhe Mbrojtjes Sociale Albana Koçiu duke thënë se në të gjithë vendin po vijon fushata e mamografisë, në kuadër të muajit të ndërgjegjësimit ndaj kancerit të gjirit.
Qëllimi i “Tetorit Rozë” është ndërgjegjësimi i sa më shumë grave me moshë mbi 40 vjeç që të kryejnë kontrollin periodik të gjirit dhe ekzaminimin përmes mamografisë.
Gjatë këtij muaji orari i funksionimit të ekzaminimit të mamografisë është 8 me 18:00 në të gjitha kabinetet e mamografisë dhe mamografitë e lëvizshme, si dhe të Shtunën deri në orën 14:00.
Në Shqipëri, rreth 5 mijë gra jetojnë me sëmundjen e kancerit të gjirit, që prej vitit 2015 është rritur sipas ISHP-së.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.