.png)
Rritja e numrit të testimeve është kthyer në kërkesën e ditës së Partisë Demokratike. Të njëjtën gjë, Lulzim Basha e kërkoi edhe sot, ndërsa e shpejtë ishte edhe përgjigja e kryeministrit Edi Rama dhe vetë Komitetit Teknik.
“Nqs Komiteti Teknik do thoshte 2000 teste në ditë do kishte 2000 në ditë! LBPD vazhdon ia fut kot.PIKË!”, komentoi Rama në Twitter.
A mundet dikush t'ia thotë PD se qeveria nuk vendos sa teste bëhen a nuk bëhen?! Aq më pak qeveria mund të marrë mendjen e PD-së për këtë punë! Strategjinë e testeve e bën Komiteti Teknik i Ekspertëve dhe PIKË! Qeveria zbaton ato që vendos Komiteti dhe PIKË! PD i'a fut kot.PIKË!
— Edi Rama (@ediramaal) April 7, 2020
Edhe Komiteti Teknik i Ekspertëve vlerëson se, “në kushtet e krijuara prej masave shtrënguese, puna hetimore në terren dhe rezultatet e saj, kanë qenë optimale deri në këto momente”.
Por, për Partinë Demokratike kjo situatë nuk bind. Ajo reagon sërish duke iu përgjigjur Ramës me fjalët e këshilltarit të tij, Tony Blair, i cili më herët kishte postuar një video mbi rëndësinë e testeve .
“Edi Rama dëgjoje edhe Toni Blair: ‘Gjithçka lidhet me rritjen sa më shpejt të numrit të testimeve. Na duhet të dimë se kush e ka sëmundjen apo kush e ka kaluar. Në mënyrë që t'i japim fund bllokimit dhe t'i kthejmë njerëzit në punët e tyre. Të kthejmë pak normalitet në jetët tona të përditshme”.
Yesterday, we published our report recommending a new operating model to scale up #Covid19 testing with speed
— Tony Blair Institute (@InstituteGC) April 7, 2020
Read it here⬇️https://t.co/hqhz2HyUi0
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
