.png)
Gazeta Si – Sipas shtypit britanik, Kristian Atsu, ish-lojtari i Çelsit i deklaruar i humbur, është gjetur i gjallë nën rrënoja. Ai ka vështirësi në frymëmarrje dhe plagë në këmbën e djathtë. Nën rrënoja edhe dejtori sportiv dhe përkthyesi i Hatajspor. Zëra të pakonfirmuar për zhdukjen e portierit Turkaslan.
Tërmeti i fuqishëm që goditi Turqinë përfshiu edhe shumë sportistë. Mes tyre edhe 31-vjeçarin Kristian Atsu, ish-lojtari i Çelsit. Ganezi përfundoi nën rrënoja, por për fat të mirë ai është gjetur i gjallë, sipas shtypit britanik.
"Është mirë, ka vështirësi në frymëmarrje dhe plagë në këmbën e djathtë. Është shtruar në spital". Këto janë lajmet e para për futbollistin afrikan.
Atsu ishte premtim i madh rreth 10 vjet më parë te Porto, nga ku e bleu Çelsi, që e huazoi më pas te Viteshe, Evertoni, Burnemuthi, Malaga dhe Njkasëlli. Vitin e kaluar u transferua në Turqi, pas një sezoni në Arabinë Saudite. Me 65 ndeshje dhe 9 gola me Ganën, Atsu luan për Hatajspor në Turqi, klubi i një qyteti në kufi me Sirinë.
Kjo është një nga zonat më të goditura nga tërmeti me magnitudë 7.8 ballë. Të dielën Atsu kishte shënuar golin e fitores ndaj Kasimpasha. Mes të zhdukurve janë edhe drejtori sportiv i klubit, Taner Savut, përkthyesi Emre Aslan dhe portieri Ejup Turkaslan. Për këtë të fundit dyshohet për më të keqen. Janë nxjerrë gjallë ndërkohë Burak Oksuk, Kerem Alici dhe Onur Ergun.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
