.png)
Banka Botërore si një ndër financuesit dhe hartuesit më të mëdhenj të studimeve rreth rreziqeve që sjellin fatkeqësitë natyrore ka tashmë një përvojë se si mund të menaxhohet situata pas tërmetit. Në një studim leksione të menaxhimit nga tërmetet Banka jep disa rekomandime të vlefshme për situatën në të cilën ndodhemi.
Përshembull disa materiale nga mbetjet e dëmeve mund të jenë të riciklueshme. Gjithashtu Banka vëren se vlerësimet e dëmeve duhet të bëhen me shumë kujdes dhe realisht, pasi mund të prodhojnë kosto të panevojshme.
Banka sugjeron të mos angazhohen organizata joqeveritare të papërvojë, pasi puna e këtyre OJV-ve mund të krijojë kosto më të madhe në periudhat e mëvonshme. Studimi i bankës sugjeron që të mos merren parasysh projektet e reja të infrastrukturës, por me përqendrim në rindërtim, rehabilitim ose përmirësim i infrastruktura ekzistuese.
Infrastruktura e re kërkon një plan më të gjatë përpunimi, por nëse nevoja justifikon rindërtimin dhe qeveria përballon projektin ne një kohë të shkurtër, një projekt i ri infrastrukturor mund të konsiderohet.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
