.png)
Gazeta Si- Një tërmet me magnitudë 7.2 ballë i shkallës Rihter u regjistrua në Tajvan. Tërmeti, i cili goditi pjesën lindore të vendit, ishte "më i forti në 25 vitet e fundit" u raportua nga drejtori i Qendrës Sizmologjike të Taipeit, Wu Chien-fu.
Disa ndërtesa janë shembur në qarkun Hualien, pranë epiqendrës së tërmetit: sipas mediave janë 77 persona të bllokuar nën rrënoja.
Të paktën shtatë viktima dhe 736 të plagosur janë raportuar tani, sipas “China Times”. Një paralajmërim për cunami u lëshua si për Tajvanin ashtu edhe për Japoninë, i cili më pas u kthye.
Pas goditjes së parë, pati 58 pasgoditje, nëntë prej të cilave ishin me magnitudë 5 dhe 6 ballë, dy të tjera tejkaluan magnitudën 6.
Sipas Administratës Meteorologjike të Tajvanit, epiqendra e tërmetit u zbulua në brigje 25 kilometra në jug të qarkut Hualien dhe 138 kilometra nga Taipei.
Qarku Hualien raportoi shembjen e 26 ndërtesave, ku ekipet e shpëtimit po punojnë për të nxjerrë njerëzit e bllokuar nën rrënoja.
Të gjitha qarqet dhe qytetet në ishull dërguan ekipe speciale kërkimi. Presidenti Tsai Ing-ëen krijoi një zyrë për të koordinuar reagimin emergjent ndaj tërmetit dhe dërgoi forcat e armatosura në zonat më të prekura.
Ndërprerje në furnizimin me energji elektrike u regjistruan në të gjithë ishullin, i cili u rikthye kryesisht rreth orës 10:30 të mëngjesit të sotëm (03:00 në Europë).
Pamjet ajrore të tërmetit në Hualien tregojnë një rrëshqitje të madhe dheu në shpatin Chongde të autostradës Suhua, ku një zonë e madhe është shembur. Ministri i Transportit Wang Guocai tha se e gjithë Ura Qingshui në anën veriore të tunelit Daqingshui ishte shembur.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
