Gazeta Si - Sipas spanjolles “Marca”, u deshën disa persona që të largonin pronarin e PSG-së, i tërbuar për faullin ndaj Donarumës në momentin e golit të barazimit. Edhe Leonardo ka pohuar se është një gabim i madh, por nuk ka kërkuar justifikime.
Pas humbjes 3-1 të PSG-së në “Bernabeu”, Al-Khelaifi nuk është përmbajtur dot. Ai ka lënë tribunën dhe ka zbritur me shpejtësi për në dhomat e zhveshjes, shumë nervoz për atë që ndodhi në fushë, ku Reali barazoi me një faull të Benzema ndaj portierit Donaruma.
At the end of the match, PSG president Nasser Al-Khelaifi went to the locker room reportedly “hitting and yelling while looking for the referees,” per @m_marchante pic.twitter.com/WbXv16luVa
— B/R Football (@brfootball) March 9, 2022
“Marca” shkruan se Naser Al-Khelaifi, i shoqëruar nga drejtori sportiv Leonardo, tentoi të futej në dhomën e arbitrave, duke ulëritur dhe duke goditur me grusht dyert që gjente përpara. Gabimisht hyri në dhomën e Megia Davila, ish-arbitër dhe aktualisht delegat. Për ta larguar u dhesh ndërhyrja e disa personave, madje u thirr edhe policia.
Kjo skenë e turpshme është filmuar me telefon nga një prej punonjësve të Real Madridit. Al-Khelaifi vrapoi tek ai, duke i bërtitur: "Do të vras!” U ndal vetëm nga truprojat, ndërsa Leonardo i kërkoi punonjësit të Realit të fshinte atë që kishte filmuar.
"Është një goditje e fortë, - tha Leonardo pas ndeshjes. – Te momenti i 1-1 ka një faull të qartë të Benzema ndaj Donarumës. Portieri ynë tentoi zgjidhjen më të komplikuar dhe rrezikoi, por ka faull. Nuk e di pse VAR-i nuk ndërhyri dhe jemi të zhgënjyer. Goli i parë i Realit ndryshoi ndeshjen. Duhet të pranojmë gabimet tona dhe duhet të reflektojmë".
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.