Naftëtarët e Ballshit janë ngritur sërish në protestë këtë të hënë, ku kërkojnë pagat e prapambetura të fituara me vendim gjykate, ndërsa nuk duan që uzina të demontohet.
Ata kanë denoncuar futjen e mjeteve të tonazhit të rëndë që janë futur brenda uzinës së vetme të rafinerisë së naftës në vend.
Naftëtarët kanë tentuar që futen me forcë në ambientet e uzinës, duke u përplasur me forcat e policisë, por u tërhoqën pasi u njoftuan, se do të mbërrijë për të diskutuar mbi kërkesat e tyre një përfaqësues i rafinerisë.
Sipas kreut të Sindikatës së Naftëtarëve, Sokol Dautaj, ata kërkojnë rifillimin e punës në rafineri si dhe likuidimin e pagave të prapambetura.
Dautaj tha se nëse kompania ‘Armo’ bëhet inekzitente, ato nuk do të dinë se ku të marrin pagat e tyre, të cilat i kanë fituar me vendim gjykate.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.