.png)
Nëntë naftëtarë të rafinerisë së në Ballsh do të hetohen në gjendje të lirë, pasi dy ditë më parë janë konfrontuar me rojet e uzinës ku kërkonin pagat e prapambetura.
Policia e Mallakastrës thotë se G. M., 60 vjeç; N. L., 58 vjeç; B. H., 54 vjeç; J. H., 54 vjeç; K. J., 46 vjeç; R. H., 53 vjeç; L. H., 54 vjeç; A. I., 48 vjeç dhe A. N., 56 vjeç janë proceduar penalisht për veprat penale “Organizimi dhe pjesëmarrja në grumbullime e manifestime të paligjshme”, “Prishja e qetësisë publike” dhe “Shkatërrimi i pronës”.
Më 30 nëntor, disa naftëtarë të Ballshit që dolën në protestë u shoqëruan nga uniformat blu në komisariat, ku u morën në pyetje për tubimet e zhvilluara përgjatë ditëve të fundit.
Naftëtarët prishën derën e rafinerisë në momentin kur tentuan të kalonin përmes saj, duke kundërshtuar shërbimet e ruajtjes së këtij subjekti.
Sipas naftëtarëve, një kompani private ka nisur punë në uzinë. Ata kishin paralajmëruar se do hynin brenda, por dy furgonë policie u futën në rafineri për t’i ndaluar.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
