.png)
Deri në mesditë, alternime kthjellimesh dhe vranësirash do të mbizotërojnë në pothuajse në të gjithë vendin, ku më të theksuara vranësirat priten në zonat Jugore dhe Juglindore duke gjeneruar reshje të pakta shiu, ndërsa në zonat e thella malore do të ketë reshje të izoluara dëbore.
Parashikohet që pjesa e dytë e ditës të sjellë përmirësim të dukshëm të kushteve atmosferike në të gjithë vendin duke rikthyer motin e kthjellët dhe vranësirat e herë pas-hershme.
Temperaturat e ajrit do të pësojnë rënie të lehtë gjatë orëve të mëngjesit, por edhe mesdita sjell rënie me 2 gradë duke luhatur vlerat ditore nga 0°C deri në 17°C.
Era do të fryjë mesatare si në tokë dhe në det me shpejtësi deri në 35 km/h nga drejtimi verior dhe verilindor duke sjellë në brigjet e Adriatikut dhe Jonit dallgëzim mbi 2 ballë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
