.png)
Vendi ynë do të përfshihet nga një mot me temperatura të larta, reshje shiu dhe erë të fortë gjatë bregdetit.
Dita e hënë dhe e martë do të jenë të shoqëruara me temperatura të larta deri në 30 gradë Celsius, ndërsa dita e enjte dhe e premte do të pësojë ulje te temperaturave, ku prezent do të jenë reshjet e shiut.
Sot priten temperatura deri në 30 gradë Celsius ne disa qarqe, sidomos në Elbasan, por edhe në Tiranë.
Parashikohet që moti të jetë i qëndrueshëm edhe përgjatë ditës së martë, duke bërë që intervale të gjata me kthjellime të jenë në gjithë territorin. Vranësirat kalimtare do të shfaqen në zonat malore, kryesisht në juglindje të vendit.
Dita e mërkurë do të sjellë vranësira më të shpeshta, duke bërë që në orët e mbrëmjes të sjellin reshje shiu, fillimisht në zonat malore dhe më pas në të gjithë territorin, duke bërë që e enjtja të jetë e paqëndrueshme. Parashikohet që vranësirat dhe reshjet të jenë prezentë edhe përgjatë ditës së premte.
Për sa i përket temperaturave, dita e hënë dhe e martë do të ketë temperatura të larta, ndërsa e mërkura do të pësojë një rënie të lehtë. Ndërsa ditët e enjte dhe të premte, termometri do të ulet në 25-26 gradë Celsius.
Parametri i erës do të bëhet problematik ditën e enjte dhe të premte në brigjet e detit Jon.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
