Ndonëse mbledhja e Shqipërisë dhe Kosovës e parashikuar për t’u zhvilluar sot në Gjakovë u anulua një ditë më parë, atje qëndron ende tapeti i kuq ku do të zhvillohej pritja e delegacionit shqiptar.
Nga fotot e mëposhtme duken tryezat bosh ndërsa pas tyre është vendosur slogani "Të përbashkuar në Gjakovë".
Një ditë para mbledhjes së dy qeverive, kryeministri Edi Rama, ka deklaruar se arsyeja e anulimit të mbledhjes qeveritare në Gjakovë mes Kosovës dhe Shqipërisë është mos rënia dakord me homologun e tij Albin Kurti për ndryshimin e formatit pas trazirave që ndodhën pasditen e djeshme në veri.
Qeveria e Kosovës tha se u anulua në mënyrë të njëanshme dhe se ata që e pësojnë janë qytetarët, pasi do të nënshkruheshin 13 marrëveshje mes dy vendeve.
Mbledhja ishte parashikuar të niste ditën e sotme në orën 11:00, mbledhje e nëntë e këtij lloji.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.