.png)
Kur vendosi të hyjë për herë të parë në garën për Bashkinë e Tiranës, Edi Rama, u ul përballë gurit të varrit të të atit. Ai i dha një premtim që solemnisht mbetet mes tyre.
Të paktën kështu ka shkruar në librin e tij “Kurbani” (9 vjet më parë) kushtuar nënës së tij, që u nda nga jeta të shtunën, Aneta Rama.
Në një kohë krejt tjetër për të dhe vetë kohën, Rama ka shumëçka për të ndarë për të ëmën, me ndjekësit e tij në Facebook dhe jo vetëm. Ndoshta, edhe me nje premtim ndaj saj. Kësaj here ndryshe, jo përmes një libri, por poezie.
“Mund të derdhësh lot pse iku/ Ose mund të buzëqeshësh sepse jetoi/ Mund të mbyllësh sytë e të lutesh që të kthehet Ose mund t'i hapësh e të shohësh gjithçka të ka lënë/ Zemra jote mund të jetë bosh sepse nuk e sheh dot më/ Ose ti mund të jesh plot me dashurinë që ndave me të/ Mund t'ia kthesh shpinën të nesërmes dhe jetosh në të djeshmen/ Ose mund të jesh i gëzuar me të nesërmen për çka ishte e djeshmja me të/
Mund ta kujtosh atë vetëm për ikjen e saj/ Ose mund të kujdesesh për kujtimin e saj që ajo të jetojë në të/ Mund të qash e të mbyllesh në vete, bosh e me kurriz nga bota/
Ose mund të bësh atë që nëna do të donte: Të hapësh sytë, të qeshësh, të duash dhe të ecësh përpara...”, shkruan Rama në Facebook duke përcjellë me pas një falenderim për të gjithë ata, që e ngushëlluan në forma nga më të ndryshmet në një kohë të pazakontë si për të, ashtu edhe për vendin…Dhe një foto në retrospektivë, ai, i vogël krejt fëmijë, në krah të nënës së tij, Aneta.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
