.png)
Nga Gazeta 'Si'- I dërguari i Bashkimit Evropian për dialogun, Miroslav Lajçak, ka thënë se kanë afruar dallimet midis dy propozimeve të Kosovës dhe Serbisë për çështjen e dinarit, porse diskutimet do të vazhdojnë.
Kryenegociatorët e Kosovës dhe Serbisë u takuan në Bruksel të enjten, në përpjekje për të gjetur zgjidhje sa i përket Rregullores së Bankës Qendrore të Kosovës, më të cilën ndalohet përdorimi i dinarit.
Lajçak ka thënë se diskutimet do të vazhdojnë së shpejti në idetë e BE-së për kompromis.
“Prita një tjetër diskutim me dy kryenegociatorët për zgjidhje të përkohshme për personat e prekur nga vendimi i BQK-së. I kemi afruar dallimet midis propozimeve të dy palëve. Kam në plan të vazhdoj diskutimet tona së shpejti bazuar në idetë e BE-së për kompromis”, ka shkruar Lajçak në “X”.
Kryenegociatori i Kosovës, Besnik Bislimi, ka thënë se janë pajtuar me propozimin e Lajçakut për këtë çështje. Por sipas tij, Serbia ka kërkuar kohë shtesë. Ka paralajmëruar se takimi i radhës do të mbahet pas dy javëve.
Hosted another discussion with the two Chief negotiators on a temporary solution for the people affected by the CBK decision. We managed to bridge some gaps between the proposals of the two Parties. I plan to continue our discussions soon based on the EU’s ideas for compromise. pic.twitter.com/PwhVpPiH2T
— Miroslav Lajčák (@MiroslavLajcak) April 4, 2024
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
