.png)
Nga Gazeta ‘Si’- Vetëm tri ditë para seancës konstituive të Kuvendit, përpjekja e kryeministrit në detyrë Albin Kurti për të takuar partitë opozitare ka prodhuar dy refuzime dhe një konfirmim.
PDK-ja dhe AAK-ja kanë bërë të qartë se nuk do t’i bashkohen takimit, ndërsa LDK-ja ka pranuar ftesën dhe do të ulet në tavolinë me Kurtin të martën në orën 18:00.
Refuzimi i PDK-së dhe AAK-së e lë LDK-në si të vetmen parti me të cilën Vetëvendosje mund të negociojë një marrëveshje më të gjerë politike.
Edhe pse LVV-ja ka siguruar numrat për formimin e qeverisë, asaj i mungojnë votat e nevojshme për zgjedhjen e presidentit, ndaj bisedimet me LDK-në konsiderohen kyçe.
Ndërkohë, PDK-ja ka ritheksuar se do të mbetet në opozitë, ndërsa AAK-ja ka deklaruar se nuk synon të hyjë në qeveri, por është e gatshme të ndihmojë në themelimin e institucioneve vetëm nëse adresohen gjashtë kërkesat e saj, që përfshijnë çështje të energjisë, ekonomisë dhe investimeve kapitale.
Takimi Kurti–LDK zhvillohet pas rikonfirmimit të Lumir Abdixhikut në krye të partisë dhe mund të japë sinjalin e parë nëse palët do të arrijnë një marrëveshje para seancës konstituive të 6 gushtit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje