Tirana dhe Vllaznia luajnë sot atë që quhet “klasikja” e Shqipërisë. Dy nga skuadrat më me emër në futbollin shqiptar, të dyja pretendente për titull, do të matin forcat sot në mbrëmje (ora 19:45), në stadiumin “Air Albania”. Kjo sfidë dhe ajo mes Skënderbeut dhe Laçit shënojnë rikthimin e kampionatit me javën e 16-të të tij.
Tiranën dhe Vllazninë i ndajnë 8 pikë në tabelën e renditjes (33 ndaj 25), me kryeqytetasit përpara, kurse shkodranët, nëse munden sot, do të dilnin jashtë garës së titullit, edhe pse jo matematikisht. Kampionati ka edhe shumë rrugë përpara, por gjithmonë sfidat direkte mes rivalëve kanë rëndësi të veçantë, sepse kanë ndikim edhe në ndeshjet e tjera.
Si Tirana, ashtu edhe Vllaznia, kanë lëvizur fare pak në merkaton e dimrit. Skuadrës së Shehit i është bashkuar braziliani De Silva, i cili mund ta nisë nga stoli ndeshjen e sotme, ndërkohë që mungon Ngo për shkak dëmtimi. Edhe Bërdariç e ka forcuar grupin me vetëm një element, mesfushorin Panos. Trajneri gjerman pritet të hedhë sot në fushë formacionin më të mirë, me të cilin ka përballuar pjesën e parë të sezonit, një formacion sulmues.
Laçi, që e mbylli 2021-shin me një ecuri shumë të mirë, sot ka provën e vështirë të Korçës, ku kipet kryesuese janë ndalur. Java e 16-të vazhdon nesër me ndeshjet Egnatia-Partizani dhe Kastrioti-Teuta, ndërsa Kukësi-Dinamo është shtyrë për të mërkurën.
Abissnet Superiore, java e 16-të
Sot
Skënderbeu-Laçi
Tirana-Vllaznia
Të diel
Egnatia-Partizani
Kastrioti-Teuta
Të mërkurë
Kukësi-Dinamo
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.