.png)
Gazeta Si – Java e 20-të e Superiores nis sot me dy ndeshje të saj, për të vazhduar nesër me të tjerat. Një fillim jave i pazakontë, pasi të hënën zakonisht luhet ndeshja e fundit dhe jo e para.
Në fushë zbresin sot Tirana dhe Partizani, dy skuadrat që kryesojnë tabelën e renditjes, me bardheblutë 3 pikë para të kuqve. Kryeqytetasit janë pretendentët kryesorë në garën për titull. Javë pas jave ata kanë ndërruar vendet në krye dhe duket se dueli do të vazhdojë deri në fund.
Kamionët në fuqi të Tiranës luajnë në orën 13:00 në stadiumin e Rrogozhinës me Egnatian vendëse. Një ndeshje aspak e lehtë për skuadrën e Shehit, që vjen pas humbjes me Kukësin dhe duhet të reagojë.
Partizani po kalon një krizë rezultatesh. Të kuqtë e drejtuar nga italiani Kolela nuk fitojnë prej 4 javësh. Së fundi ata po vuajnë largimet e Skukës dhe Bitrit në merkaton e janarit. Ndeshja e sotme me Laçin, që luhet në mbrëmje, në orën 19:00, është mundësia më e mirë për rikthimin te fitorja.
Java e 20-të e Superiores vazhdon të martën me tri ndeshjet Kastrioti-Erzeni, Teuta-Bylis dhe Vllaznia-Kukësi.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
