Nga Gazeta 'Si'-Në orët e para të mëngjesit të së hënës një person me automjetin e tij ka bllokuar rrugën në një fshat të Leposaviçit dhe ka sulmuar me shishe xhami automjetet zyrtare të Policisë së Kosovës dhe KFOR-it, gjatë patrullimit të përbashkët.
Sipas njoftimit të Policisë, rasti ka ndodhur rreth orës 04:05 të mëngjesit.
I dyshuari më pas ka ikur në drejtim të disa shtëpive afër në fshat, por pas kontrolleve policore, është arrestuar.
“Gjatë realizimit të kontrollit në shtëpinë e të dyshuarit është gjetur një xhaketë e ushtrisë me emblemë serbe. Makina me të cilën është bllokuar rruga është sekuestruar, i dyshuari pas intervistimit nga njësia kompetente e hetimeve është liruar në procedurë të rregullt ndërsa hetimet lidhur me rastin janë duke vazhduar”, thuhet në njoftim.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.