.png)
Nga Gazeta 'SI' - Një sulm me armë zjarri ka ndodhur pasditen e të martës në zonën e “Don Boskos” në kryeqytet.
Policia raporton dy të plagosur, shtetasit K. E., 45 vjeç, dhe R. M., 22 vjeç, të cilët ndodhen në spital, në kujdesin e mjekëve.
Drejtori i Policisë së Tiranës Tonin Vocaj, në një deklaratë për mediat dha detaje nga ngjarja.
Vocaj tha se është gjetur makina e djegur në afërsi të Kamzës dhe në të është gjetur një armë zjarri. Ai tha se janë sekuestruar në total shtatë gëzhoja si dhe janë identifikuar targat e mjetit.
"Autorët kanë qëlluar nga automjeti. Nuk kanë zbritur. Kemi pamje filmike si ka ndodhur ngjarja. E kemi idenë e qartë për ngjarjen kriminale që ka ndodhur. Kanë hapur zjarr nga makina është probabilitet i madh që të kene qenë të maskuar", bëri të ditur drejtori i policisë nga vendi ku ndodhi atentati.
Dy të plagosurit kanë lidhje shoqërore ndërsa po verifikohet dhe e kaluara e tyre. Njëri prej tyre, Kastriot Elezaj rezulton të jetë me precedentë penalë
Të plagosurit ishin në një tavolinë kur u është bërë atentati.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
