Studentët e Fakultetit Ekonomik në Universitetin e Tiranës do të realizojnë një peticion më 150 firma. Kjo gjë për shkak se një pjesë e tyre kanë mbetur pa marrë kartonin e diplomës.
Studentët tregojnë se ata i përkasin viteve të studimit 2017-2019 dhe saktësisht janë 315 studentë që janë ende pa diplomë. Diplomat janë kthyer nga rektorati për shkak se në momentin kur janë regjistruar studentët, rektoratit nuk i janë përcjellë listat.
Disa prej studentëve që kanë këtë problem i kanë treguar Gazetës “Si” se janë përballur prej 1 viti me këtë problem dhe nuk kanë marrë zgjidhje. Gjithashtu tregojnë se kanë bërë kërkesa me shkrim gjatë gjithë kohës, por kanë mbetur pa përgjigje.
Ndërkohë, Albano Zhapaj drejtori i kurrikulës në Universitetin e Tiranës, ka deklaruar për mediat se zgjidhjen për këtë problem e ka Ministria e Arsimit, ndërsa dekani i Fakultetit Ekonomik, duhet të dërgojë listat e studentëve tek Rektorati brenda ditës së sotme.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.