.png)
Gazeta Si – Më në fund, Tomas Strakosha, portieri i Kombëtares, ka luajtur ndeshjen e parë zyrtare me Brentfordin. Ai ishte titullar sot në fitoren 0-2 të skuadrës së tij në EFL Cup ndaj Kolçesterit.
'Gardiani' ynë ka merita për faktin që nuk pësoi gol, por duhet pranuar se kundërshtari ishte modest. Gjithsesi, paraqitja në këtë ndeshje mund ta ndihmojë portierin kuqezi për të luajtur edhe në kampionat.
Në ndeshjet e deritanishme të Premier Ligës, portieri shqiptar ka qëndruar në stol, pasi trajneri ka preferuar spanjollin Raija para tij. Ky i fundit u la pushim sot në Kupë, ku Brentfordi u kualifikua pa shumë probleme.
Tani Strakosha pret të realizojë ëndrrën e tij të debutimit në Premier Ligë, që e konsideron si kampionatin më të bukur në botë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
