.png)
Nga Gazeta 'Si' - Zëdhënësi i Bashkimit Europian, Peter Stano ka konfirmuar se raporti i përfaqësuesit të Lartë për Politikë të Jashtme, Josep Borrell në lidhje me heqjen e masave ndaj Kosovës është duke u finalizuar.
Në një konferencë për media, ai ka përsëritur që heqja e mundshme e masave do të ndodhë në bazë të një raporti të përgatitur nga Borrell, në lidhje me plotësimin e kërkesave nga ana e Kosovës për heqjen e tyre.
“Procedura në dhjetorin e kaluar ka qenë në konkluza, ka qenë shumë e qartë që Këshilli do ta diskutojë heqjen e mundshme të këtyre masave në bazë të zhvillimeve, në bazë të një raporti nga përfaqësuesi i Lartë në plotësimin e kërkesave të BE-së”, është shprehur ai.
Stano ka konfirmuar më tej që raporti është duke u finalizuar.
“Mund të konfirmoj, pa e diskutuar në publik, që raporti po finalizohet dhe do t’u dorëzohet shteteve anëtare.” – tha Stano tutje.
Ndryshe, tashmë po bëhen gati një vit prej vendosjet së masave ndëshkuese kundër Kosovës nga Bashkimi Europian. Liderët e shtetit vazhdimisht kanë bërë thirrje për heqjen e tyre.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
