Mëngjesin e së hënës, Zyra e Prokurorit të Specializuar ka kryer disa bastisje në banesën e Blerim Shalës, ish-këshilltarit të ish-kryeministrit Hashim Thaçi.
Rastin e ka konfirmuar për koha.net, avokati Artan Qerkini.
Ai ka thënë se bastisja ka qenë e shkurtër dhe se për shpalosjen e detajeve të tjera do të konsultohet gjatë ditës me Shalën, klientin e tij.
Lidhur me rastin, KOHA ka provuar ta kontaktojë edhe Zyra e Prokurorit të Specializuar, por deri në publikimin e artikullit nuk ka marrë përgjigje. Aktualisht bastisjet e Speciales janë duke vazhduar.
Ndërkohë raportohet se një tjetër bastisje ka ndodhur në shtepinë e ish-shefit të Agjencisë Kosovare për Inteligjencë, Bashkim Smakaj.
Policia i ka bllokuar të dy hyrjet e rrugës “Agim Prodani” që çojnë për në shtëpinë e ish-shefit të AKI-së dhe ish-këshilltarit të ish-presidentit Thaçi.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.