.png)
Duke filluar nga viti 2023, në Spanjë nuk do të shiten më të paketuara në ambalazhe plastike frutat dhe perimet.
Qëllimi është përgjysmimi i shitjes së shisheve plastike deri në vitin 2030 dhe përdorimi i materialeve 100% të riciklueshme.
Kjo është një nga masat në një dekret që po hartohet nga Ministria për Tranzicionin Ekologjik.
Një tjetër iniciativë me të cilën është angazhuar Ministria është përgatitja e masave për të inkurajuar blerjen e produkteve me shumicë dhe ujit jo në plastikë.
Ndalimi i paketimit të frutave dhe perimeve do të zbatohet për prodhimet me peshë nën 1.5 kilogramë, sipas legjislacionit të ngjashëm në Francë, ku do të hyjë në fuqi vitin e ardhshëm.
Grupet mjedisore në Spanjë dhe jashtë saj, përfshirë Greenpeace, kanë bërë fushatë prej vitesh për të ndaluar shitësit e ushqimeve të gjelbërta dhe supermarketet e mëdha që të mos mbështjellin prodhime të freskëta në shtresa plastike.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
