.png)
Është Spanja kampionia e Europës për brezin e ri të talenteve. Iberikët fituan Kampionatin Europian në finalen përballë Gjermanisë. 2-1 u mbyll ndeshja e zhvilluar në stadiumin e Udines, duke i ngjitur spanjollët 21-vjeçarë për herë të katërt në fronin e futbollit europian.
Për ekipin e De la Fuente më të mirët në fushë ishin “yjet” që luajnë për Real Madrid dhe ekipet e tjera të mëdha të La Liga. Stili i lojës “tiki taka” duket se i shkon për shtat Spanjës në ekipin e madh, pasi 21-vjeçarët luanin shumë shpejt dhe me aksione nga krahët që shkonin deri në fundore. Dy golat për spanjollët u shënuan nga Ruiz dhe Ulmo, të cilët i kanë hapur portën vetes për një transferim të bujshëm në këtë merkato vere.
Edhe pse humbi, e njëjta gjë mund të thuhet edhe për Gjermaninë finaliste e cila ka në radhë e saj talente duke filluar nga Amiri, autor i një goli spektakolar në fund të finale, por që nuk ndikoi në rezultatin përfundimtar i cili pa gjermanët të largohen me medaljen e argjendtë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
