Sot në mbarë vendin ka nisur sezoni i provimeve, ku maturantët do t’i nënshtrohen testit për Gjuhën e Huaj.
Rreth 31 mijë maturantë do të testojnë njohuritë e tyre në gjuhët e huaja. Testimi nis në orën 10:00 dhe zgjat për 2 orë.
Në një sallë do të jenë mesatarisht 10 maturantë, dhe bankat do të jenë në një distancë prej 1.5-2 metra. Maturantët janë pajisur me maska e doreza dhe nuk do të lejohen të hyjnë në shkollë pa to.
Nga sot deri më 18 qershor maturantët do u nënshtrohen 4 testeve: në lëndën e gjuhës së huaj, gjuhës shqipe dhe letërsisë, matematikës dhe lëndës me zgjedhje.
Duke marrë në konsideratë kushtet e zhvillimit të mësimit në periudhën e pandemisë, Ministria e Arsimit ka hartuar një rregullore të posaçme.
Ndërkohë më datë 11, maturantët do të japin provimin e Gjuhës Shqipe, ndërsa më datë 15 qershor provimin e Matematikës. Në fund të sezonit, më datë 18 maturantët japin provimin e lëndës me zgjedhje.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.