.png)
Kryetari i SPAK-ut Altin Dumani ishte sërish sot në mbledhjen e Këshillit të Mandateve për të dëgjuar palën mbrojtëse të deputetit Arben Ahmetaj ndaj të cilit është kërkuar heqja e imunitetit me qëllim arrestimin dhe kontrollin më pas të banesës.
Por Arben Ahmetaj nuk ndodhet në Tiranë dhe kaq mundën ta konfirmojnë edhe avokatët e tij mbrojtës në mbledhjen e Këshillitm por pa sqaruar më tej se ku ndodhet.
Të martën, gjatë mbledhjes së parë të Këshillit, deputeti i PD-së Gazment Bardhi pyeti kreun e SPAK për vendndodhjen e Ahmetajt, por nuk mori përgjigje.
Në fund të mbledhjes, Bardhi tha se mazhoranca po zvarrit çështjen duke i dhënë kohë Ahmetajt që të arratiset por edhe të zhdukë provat. Ndaj të merkurën mbasdite, në mbledhjen e dytë të Këshillit, Bardhi kërkoi që raporti për Ahmetajn të kalonte nesër (e enjte) në Kuvend. ndërsa PS kërkon të miratohet të hënën mbasdite
Këshilli i Mandateve duhet të dalë me një raport për t’i kërkuar më pas Kuvendit heqjen ose jo të imunitetit të Ahmetajt. Vetëm pas kësaj hallke vihet në lëvizje drejtësia. E ndërsa procesi shtyhet dhe seanca e të enjtes nuk ka ende në rend dite një procedurë të tillë, Arben Ahmetaj vijon të qëndrojë jashtë vendit në drejtim të paditur.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
