.png)
Gazeta Si - Tension i madh në fushë dhe më pas "fair play" gjatë ndeshjes së Ligës së Konferencës mes Karabagut dhe Olimpikut të Marsejës. Një gjest për t’u përshëndetur ai i trajnerit të azerëve, Gurbanov.
Në minutën e 37-të, Ibrahima Vaxhi shënoi golin e barazimit për vendësit, duke devijuar topin para portierit, por me dorë. Një gol 'alla Maradona'. Arbitri nuk pa asgjë dhe e konsideroi të vlefshëm golin, duke tërbuar lojtarët e Olimpikut të Marsejës, të cilët i kërkuan shpjegime, duke qenë se në Ligën e Konferencës nuk ka VAR.
Respect Mr Gurbanov 👏🏾 @FKQarabaghEN #QFKOM #UECL #TeamOM pic.twitter.com/S4iIZYWiIt
— S.A.1848 (@Peligro972) February 24, 2022
Në ato momente është zgjidhur gjithçka, falë ndërhyrjes së lojtarëve dhe trajnerit të Karabagut, Gurbanov. Ishte ky i fundit që e urdhëroi sulmuesin e tij t’i tregonte të vërtetën arbitrit dhe më pas goli u anulua për prekje me dorë. Nëse ndodh gjithmonë kështu, futbolli nuk ka nevojë për teknologjinë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
