Pas rezultateve spektakolare të së martës në Champions League, e njëjta gjë pritet edhe në ndeshjet e kësaj të mërkure. Do të jenë dy ndeshje të forta, ku është e vështirë të parashikohet rezultati final. Liverpuli udhëton drejt Portos me mision për të përsëritur sezonin e shkuar, ku shkoi deri në finale. Ndërsa sfida tjetër mes Mançester Sitit dhe Portos pritet të jetë më e zjarrtë se kurrë, pasi të dyja kërkojnë që të presin biletën për në fazën tjetër.
Guradiola me Mançesterin e tij është në garë për t’i fituar të gjitha trofetë. Por për t’ia dalë mbanë këtë sezon i duhet të kapërcejnë një pengesë shumë të fortë të quajtur, Totenham. Spërs fituan në përballjen e parë në stadiumin e tyre, por në transfertë pritet të jetë një histori krejt ndryshe. Siti do të tentojë përmbysjen, duke dëshiruar të përfitojë edhe nga mungesa e kapitenit Kejn për londinezët.
Sakaq përballja tjetër duket si një “Deja vu” për Liverpulin e Klop. Me Porton “The reds” fituan në ndeshjen e parë dhe të njëjtën gjë do të tentojnë edhe në “O Dragao”. Vitin e shkuar pasi eliminuan Porton, djemtë e Klop shkuan deri në finale, ndërsa këtë sezon pritet të jetë më e vështirë, pasi në gjysmëfinale i pret Barcelona. Të dyja ndeshja do të luhen duke filluar prej orës 21:00.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.