.png)
Me trajnerin Armir Grima pas hekurave si i përfshirë në një organizatë kriminale, kombëtarja e femrave ka pësuar humbjen e radhës këtë të enjte. Në përballjen miqësore me Slloveninë, skuadra është drejtuar nga tekniku Viroresin Sinani. Sfida e zhvilluar në stadiumin “Gornja Radgona” është mbyllur në shifrat 2-0 për ekipin vendas që është treguar superior në shumë drejtime ndaj vajzve shqiptare.
Avantazhin futbollistet sllovene do e gjenin me anë të penalltisë që në minutën e 4’. Edhe pas kësaj rrjete, vajzat kuqezi nuk kanë reaguar në mënyrën e duhur për ta rrezikuar portën e slloveneve. Kjo miqësore është në vazhdën e rezultateve negative që ka marrë ky ekip në dy vitet e fundit, ku ka munguar stabiliteti.
Ndërkohë sa i përket trajnerit, nuk
dihet nëse Sinani do të jetë i përhershëm në këtë pozicion, por grumbullimin për
këtë test miqësor, ka qenë ish-sulmuesi që e ka drejtuar.
Kombëtarja e femrave e filloi ndeshjen me këtë formacion: Rexhepi, Rrahmani
(c), Bajraktari, Maliqi, Hamidi, Krasniqi, Doci, Haziri, Gjini, Maksuti,
Franja.
Ndeshja e kombëtares se femrave:
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
