Gazeta Si – Trajneri i Kombëtares, Silvinjo, bashkë me ndihmësit e tij, kanë diçka ndryshe nga ata që e kanë drejtuar më parë skuadrën tonë. Ai është krejtësisht pa komplekse dhe i përulur në punën që ka marrë përsipër. Braziliani duket shumë i impenjuar në këtë fillim të aventurës kuqezi jo vetëm me Kombëtaren A, por edhe me ato të moshave.
Silvinjo ka qenë sot i pranishëm në stërvitjen e Kombëtares U-17, që drejtohet nga Ervin Bulku. Kjo skuadër po përgatitet për fazën ‘Elite Round’ të Europianit dhe stafi teknik i Kombëtares A ka bërë një vizitë inkurajuese. Silvinjo, i cili shoqërohej nga ndihmësit Zabaleta, Dorival dhe Salihi, bisedoi nga afër me trajnerin Bulku dhe lojtarët.
Trajneri brazilian theksoi para skuadrës rëndësinë e ndeshjeve dhe kërkoi seriozitet e përkushtim në çdo gjë. Silvinjo më pas zbriti edhe në fushë, duke drejtuar për një ditë kuqezinjtë 17-vjeçarë.
Shqipëria U-17 bën pjesë në Grupin 8, bashkë me Francën, Zvicrën dhe Letoninë. Ndeshjet e ‘Elite Round’ do të luhen duke nisur nga data 22 mars në “Air Albania” dhe “Elbasan Arena”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.