Gazeta Si – Shqipëria pritet të luajë një ndeshje miqësore me Uzbekistanin në Tiranë, në muajin mars. Pritet vetëm zyrtarizimi. Do të jetë kjo ndeshja e parë e trajnerit të ri Silvinjo, i cili deshi një kundërshtar të lehtë para eliminatores së parë për Euro 2024 me Poloninë.
Trajneri brazilian do t’i testojë kuqezinjtë tri ditë para transfertës në Poloni. Do të jetë një ndeshje, që do t’i shërbejë atij për të përzgjedhur më të mirët për sfidën me polakët.
Miqësorja me Uzbekistanin do të zhvillohet në ‘Air Albania’. Deri atëherë trajneri Silvinjo do të ketë vëzhguar të gjithë lojtarët dhe do të ketë shpallur listën për sfidën e parë kualifikuese me Poloninë.
Uzbekistani është një skuadër e dobët dhe përveç testimit të ndonjë skeme, edhe një fitore e mundshme do ta ndihmonte Kombëtaren tonë edhe në aspektin moral për një nisje sa më të mirë të fushatës kualifikuese Euro 2024.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.