.png)
Nga Gazeta 'Si'-Shpresat për zgjedhje të përgjithshme të parakohshme në Kosovë pothuajse janë shuar. Pas mbledhjes së Kryesisë së Kuvendit u bë e ditur se nuk do të ketë asnjë seancë as këtë javë dhe as javën e ardhshme, për shkak se salla plenare e Kuvendit do t’i nënshtrohet një rikonstruksioni.
Partia Demokratike e Kosovës tha se do të presë edhe dy ditë për përgjigje nga partitë për të shpërndarë parlamentin, në të kundërtën Qeveria do të vijojë mandatin deri në fund. Lidhja Demokratike e Kosovës dhe Aleanca për Ardhmërinë e Kosovës konfirmuan se nuk kanë ndryshuar qëndrim për mënyrën se si duhet të shkohet në zgjedhje dhe kjo duhet të bëhet vetëm me dorëheqjen e Kryeministrit Albin Kurti.
AAK akuzoi Kurtin se plasoi në opinionin publik çështjen e zgjedhjeve për të mbuluar dështimin e anëtarësimit në Këshillin e Europës.
LDK-ja tha se nuk pranon ultimatume nga PDK-ja, kur u pyet nëse do të ketë një përgjigje brenda dy ditësh për letrën e kryetarit të këtij subjekti Memli Krasniqi, ndërsa AAK tha se do t'i përgjigjen Krasniqit me shkrim.
Lëvizja Vetëvendosje tha se mbetet e hapur për zgjedhje nëse ka dakordim nga të gjitha partitë politike për zgjedhje të parakohshme.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
