Mjekja Rovena Daja nga Instituti i Shëndetit Publik, ka deklaruar se gjatë 24 orëve të fundit kanë ndërruar jetë 3 pacientë një 78 vjeçar nga Peqini, një 80-vjeçare dhe një 87-vjeçar nga Tirana.
Duke bërë thirrje për qytetarët dhr bizneset që të respektojnë masat anti-Covid, Daja shtoi se gjatë 24 orëve të fundit janë kryer 825 testime dhe janë konfirmuar 131 persona të prekur.
"Ju informojmë se aktualisht në Spitalin Infektiv dhe “Shefqet Ndroqi” po trajtohen 201 pacientë, 17 në terapi intensive, nga të cilët 8 pacientë janë të intubuar. Numri i qytetarëve të shëruar nga fillimi i epidemisë ka kaluar mbi 7 mijë, me 47 qytetarë që janë të shëruar në 24 orët e fundit,"shpjegoi mjekja.
Daja rikujtoi gjithashtu numrin 127 te Urgjencës Kombëtare, ku qytetarët mund të telefonojnë nëse dyshojnë se janë të prekur nga Covid-19 dhe të telefonojnë në linjën e gjelbër falas 0800 40 40 për të kontaktuar mjekun e familjes, për shërbim psikologjik si dhe për çdo informacion tjetër rreth Covid19.
Shpërndarja gjeografike e rasteve aktive sipas qarqeve:
Tiranë 2603
Durrës 564
Shkodër 380
Lezhë 301
Elbasan 297
Korçë 251
Fier 240
Vlorë 193
Kukës 150
Berat 114
Dibër 82
Gjirokastër 82
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.