.png)
Nëse kërkoni në Google “shtëpia më e vogël në botë”, si një përgjigje do ju dalë shtëpia mbi rrota e Glen Bunsen.
Kjo shtëpi është aq e vogël sa mund të futet edhe në pjesën e pasme të një furgoni të përmasave të zakonshme. Pavarësisht se ofron jo më shumë se 2.3 metra katrorë hapësirë të brendshme, ajo vjen me të gjitha komoditetet; një tualet, ujë të rrjedhshëm, një dush ndryshe nga të tjerët që keni parë, një sobë gatimi dhe gjithçka tjetër që nevojitet.
Në faqen zyrtare të internetit, Glen Bunsen thotë se shtëpia e tij është 1% shkencë, 1% produkte, 98% zgjuarsi.
“Unë nuk jam për hapësirë. Unë jam për “në kohën e duhur”. Dhe tani kam shumë kohë që jetoj kudo që dua të shkoj. Kudo që duhet të jem, unë jam bashkë me shtëpinë time”, thotë Bunsen.
Dyshemeja në dhomën teke shërben si krevat dhe si sallon, ka një çati xhami që hapet kur dëshironi të ngriheni në këmbë, ka një lavaman të vogël që sjell ujë nga një bombol dhe një furrë me djegie që është e rrezikshme në një hapësirë kaq të ngushtë të bërë nga druri i vjetër.
Shtëpia është bërë tërësisht nga materiale të ricikluara, nga dërrasat deri te pllakat e ripërdorura që shërbejnë për dritaret e portën. E gjithë shtëpia peshon 226,8 kg, kështu që duhet disa përpjekje për ta rrotulluar atë. Dimensionet e shtëpisë së vogël janë 2,2 metra e gjatë, 1,1 metra e gjerë dhe 0,9 metra e lartë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
