.png)
Gazeta Si - Një ditë pas zbulimit të një “shtëpie bari” në lagjen “Kushtrimi” në Vlorë, 3 persona të tjerë janë arrestuar, duke e çuar në 4 numrin në total të personave të arrestuar.
Ata janë elektriçistët Elmaz Elmazi 33 vjeç, Erand Malkaj 32 vjeç dhe faturisti Marsel Rrapaj 33 vjeç, të gjithë punonjës të OSHEE, të cilët akuzohen për shpërdorim detyre. Ndërsa një ditë më parë u arrestua Anest Rrapaj 40 vjeç, poseduesi i lëndëve narkotike.
Arrestimi i tyre u bë pasi në zonën që ata kishin në monitorim, nuk kanë konstatuar lidhjet e paligjshme të energjisë elektrike në banesën në përdorim nga Rrapaj, e cila ishte përshtatur si ambient për kultivimin e bimëve narkotike kanabis në kushte laboratorike.
Në këtë banesë, policia sekuestroi 330 bimë narkotikë kanabis të kultivuara në kova plastike.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
