Në vitin e pandemisë është regjistruar numri rekord i viktimave të dhunës në familje, me 1656 raste në të gjithë vendin.
Shifra është në rritje me rreth 17 për qind në krahasim me 2015-n dhe me rreth 10 për qind në krahasim me 2019-n.
Sipas të dhënave të përpunuara nga Open Data Albania, dhuna në familje është e vetmja vepër penale që ka pësuar rritje (duke përjashtuar kategorinë “tjetër”), krahasuar me 2015.
Një indikator në rritje sa i takon numrit të të dëmtuarve dhe viktimave është Dhuna në Familje ku janë 1656 individ të viktimizuar kundrejt 1376 të një viti më parë.
Për shkak të masave shtrënguese që u zbatuan përgjatë 2020, veprat penale që kanë të bëjnë me shkeljen e Kodit Rrugor kanë pësuar ulje.
Në total, numri i personave të dëmtuar, ose viktima të një vepre penale ra në 2020 në krahasim me 2015-n. Në 2020 u numëruan rreth 17 mijë e 800 të dëmtuar e viktima të veprave penale, ndërsa në 2015-n, kjo shifër ishte rreth 21 mijë persona.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.