FIFA ka publikuar renditjen e kombëtareve edhe për muajin nëntor. Kombëtarja shqiptare edhe pse u mposht thellë 4-0 nga Skocia në “Loro Boriçi” në ndeshjen e fundit eliminatore të Uefa Nations League nuk ka humbur asnjë pozicion, duke vijuar të qëndrojë në vendin e 60-të. Duket se në këtë ruajtje pozicioni për ekipin kuqezi ka ndikuar edhe fitorja 1-0 në miqësoren me Uellsin.
Por shumë ndryshe nga kombëtarja shqiptare, përfaqësuesja e Kosovës ka bërë një rritje shumë të madhe. Skuadra dardane është ngjitur me 6 pozicione në këtë renditje të FIFA. Në këtë renditje ka ndikuar sigurisht edhe performanca e këtij ekipi në ndeshjet e fundit të Ligës së Kombeve. Kosova tashmë renditet në vendin e 131, që gjithsesi është shumë larg dhe në fazat e tjera eliminatore ky ekip do të vijojë të jetë në vazon e fundit.
Sakaq, në krye të kësaj renditje nuk ka ndryshime të mëdha. Në dhjetë vendet e para janë po të njëjtat ekipe, me ndryshimin e vetëm se Uruguai ka ndërruar vendin me Portugalinë, duke zbritur një shkallë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.