.png)
Nga Gazeta ‘SI’- Në listën e vendeve më të varfra në Europë, Shqipëria mban vendin e pestë. Kjo është renditja e “World Atlas”, bazuar në llogaritjet e FMN-së për PBB-në për frymë, sipas fuqisë blerëse.
Lista pasqyron rënia dramatike e prodhimit ekonomik të Ukrainës pas pushtimit të plotë rus në vitin 2022 e ka shtyrë vendin në fund të listës, ndërsa Kosova renditet ndër shtetet më të varfra të kontinentit. Ndërkohë, Bullgaria dhe Greqia kanë dalë nga dhjetëshja e fundit që nga fillimi i viteve 2020. Rusia dhe republikat e Kaukazit Jugor trajtohen si vende transkontinentale dhe përmenden veçmas në fund.
Për Shqipërinë, që edhe nëse vlerësohet si një nga ekonomitë me performancën më të mirë në këtë, sfidat strukturore mbeten serioze. Një popullsi që po plaket me shpejtësi, emigrimi masiv i qytetarëve në moshë pune, aktiviteti i vazhdueshëm i ekonomisë informale dhe dobësitë në sundimin e ligjit vazhdojnë të pengojnë produktivitetin dhe zhvillimin afatgjatë ekonomik.
Kosova mban vendin e dytë në listë, me papunësinë e të rinjve që qëndron në 30%. Rreth 100 shtete anëtare të OKB-së e njohin atë, ndërsa vende si Rusia, Kina, India, Spanja dhe Greqia nuk e njohin, kufizon aksesin e saj në institucionet ndërkombëtare dhe ngadalëson investimet e huaja.
“Kosovo mbetet shteti më i ri në Europë. Ekonomia e saj është e vogël dhe e orientuar kryesisht drejt sektorit të shërbimeve, ku ndërtimi, tregtia me pakicë dhe remitancat përbëjnë pjesën më të madhe të aktivitetit ekonomik” thuhet në analizë.
Vendin e parë e mban Moldavia, si vendi më i varfër në Europë. Ekonomia e saj është kryesisht bujqësore, ku prodhimi i verës përbën një pjesë të rëndësishme të eksporteve. Vendi varet shumë nga remitancat, të cilat financojnë rreth 12-15% të konsumit familjar.
Afërsisht një e katërta e popullsisë në moshë pune jeton jashtë vendit, kryesisht në Rumani, Itali, Rusi dhe Izrael. Që nga viti 2021, nën presidencën e Maia Sandu, Moldavia ka ndjekur një rrugë të ngadaltë por të dukshme reformash. Rajoni separatist i Transnistrisë, i mbështetur nga Rusia, vazhdon të komplikojë financat publike dhe furnizimin me energji.
Në vend të tretë, Ukraina, renditje që pasqyron shkatërrimin ekonomik të shkaktuar nga pushtimi rus i vitit 2022. Rimëkëmbja ka qenë modeste, por vazhdon të pengohet nga shkatërrimi i infrastrukturës energjetike, zhvendosja e rreth 14 milionë njerëzve dhe humbja e aksesit në portet dhe rajonet industriale lindore e jugore.
Bosnja dhe Hercegovina mban vendin e katërt, pasi vazhdon të kufizohet nga struktura politike e krijuar pas Marrëveshjes së Dejtonit në vitin 1995, e cila krijoi dy entitete gjysmë-autonome dhe një presidencë komplekse trepalëshe që e bën reformën ekonomike shumë të vështirë. Rreth 19% e popullsisë jeton nën kufirin kombëtar të varfërisë, ndërsa studimet tregojnë se edhe 50% të tjerë janë të rrezikuar nga varfëria. Vendi mbështetet fort te remitancat, të cilat përbëjnë rreth 11-12% të PBB-së.
Lista vazhdon me Maqedoninë e Veriut në vend të gjashtë, Bjellorusinë, Serbinë, Malin e Zi dhe Bullgarinë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje