Kryeministri Edi Rama ka publikuar ditën e sotme një grafik, ku Shqipëria renditet e dyta, në rajon pas Sllovenisë për numrin më të lartë të të shëruarve për 1 milion banorë. Rama shkruan se e gjitha kjo është si rezultat i të gjithë masave të marra dhe falë qytetarëve që i kanë respektuar ato.
"Bilanci i luftës bëhet në fund po s'do lejojmë askënd të sabotojë çfarë kemi arritur deri këtu", shkruan Rama.
Në Shqipëri kanë fituar betejën me koronavirusin 99 persona, 10 ditën vetëm e sotme, teksa numri total i prekurve ka shkuar në 333 dhe 18 viktima.
Në një deklaratë që pati më herët, Rama bëri me dije se nga hëna, por pa e caktuar ekzaktësisht se kur, do të marrë disa masa lehtësuese për zgjerim të fashës së orarit të këmbësorëve dhe automjeteve, por do të ashpërsohen ndëshkimet.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.