.png)
Gazeta Si – Kombëtarja U-21 e Shqipërisë, e drejtuar nga trajneri Alban Bushi, do të luajë një ndeshje miqësore me Bullgarinë më 20 qershor. Kjo ndeshje, sipas njoftimit të FSHF-së, do të zhvillohet në stadiumin ‘Elbasan Arena’, në orën 18:30.
Trajneri Bushi do të ketë mundësinë të shohë më mirë grupin e futbollistëve që ka në dispozicion. Kjo ndeshje testuese u shërben përgatitjeve për eliminatoret e Euro 2025, që nisin në muajin shtator.
Shpresat do të grumbullohen javën e ardhshme në Elbasan, ku do të kryejnë disa ditë stërvitje deri në miqësoren ndaj Bullgarisë. Lista e trajnerit Bushi do të bëhet publike më 8 qershor, kur ai do të dalë në konferencë shtypi.
Shqipëria U-21 bën pjesë në Grupin E të kualifikueseve të Europianit, bashkë me Rumaninë, Zvicrën, Finlandën, Malin e Zi dhe Armeninë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
