.png)
Gazeta Si - Trajneri i Shpresave, Alban Bushi, shpalli sot listën me 24 lojtarët e grumbulluar për kualifikueset e Euro 2025 ndaj Rumanisë dhe Malit të Zi. Bie në sy fakti se në këtë listë janë 10 lojtarë nga kampionati shqiptar.
Ka edhe risi në listën e Kombëtares U-21. Për herë të parë janë grumbulluar portieri Renato Beqaj nga Bylisi dhe sulmuesi Ermir Rashica nga Skënderbeu.
Shqipëria U-21 ndeshet më 17 nëntor me Rumaninë dhe më 21 nëntor me Malin e Zi. Të dyja ndeshjet luhen në transfertë. Kuqezinjtë bëjnë pjesë në Grupin E, bashkë me Rumaninë, Zvicrën, Finlandën, Malin e Zi dhe Armeninë. Ata mbajnë aktualisht vendin e parë me 9 pikë, pas 3 fitoreve ndaj Rumanisë, Malit të Zi dhe Armenisë, ndërkohë që janë mundur nga Finlanda.
Ekipi Shpresa do të grumbullohet me 12 nëntor në Durrës dhe më 16 nëntor do të udhëtojë drejt Rumanisë. Trajneri Bushi do të dalë në një konferencë shtypi ditën e enjte, ku do të flasë për dy ndeshjet e radhës.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
