Punëtorët e një fabrike këpucësh në qytetin e Shkodrës kanë protestuar në lidhje me kushtet në punë, oraret e tejzgjatura dhe mungesën e higjjenës në punë.
Sipas protestuesve, shteti duhet të ndërhyjë, pasi kushtet në të cilat punohet nuk janë aspak normale.
“Thjesht po kërkojmë të drejtat tona. Duam që të mos na vonohet rroga. Në verë vdesim nga i nxehti, në dimër mbarojmë nga i ftohti. Tualetet janë skandal. Jemi në kushte të mjerueshme”, thonë punëtorët e fabrikës së këpucëve.
Punëtorët janë shprehur më tej se do të përshkallëzojnë veprimet e tyre nëse kërkesat nuk do të merren parasysh.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
