.png)
Shkencëtarët kanë krijuar një robot të vogël që mund të futet në trupin e njeriut dhe të lëvizë. Roboti është inspiruar nga pangolinët, një specie e rrallë.
Roboti i butë është në gjendje që të ndalojë gjakderdhjet e shumë gjëra të tjera sipas shkencëtarëve.
‘The Independent’ shkruan se një ditë roboti mund të futet në trupin e njeriut, dhe në vende të vështira për t’u arritur siç është stomaku apo zorra e hollë.
Për momentin, roboti është testuar vetëm në inde që përdoren për praktikë. Krijuesit e tij thonë se nevojiten të tjera testime.
Megjithatë këto eksperimente treguan se roboti ishte në gjendje që të ngrohte deri në 70 gradë Celsius, të dërgonte në trup mjekime që mund të jenë të dobishme për trajtimin e kancerit, ose të ndalojë gjakderdhjen apo të ndihmojë në lënien e drogës.
Shkencëtarët kanë besuar prej kohësh se robotët e butë magnetikë të bërë nga metale të buta, mund të jenë të dobishëm për procedurat mjekësore, duke i lejuar që të hyjnë në trup pa qenë nevoja për operim apo procedura të tjera invazive.
Sipas asaj që shkruajnë mediat, shkencëtarët u përpoqën që të marrin shembull nga pangolinët, gjitarë që janë të mbuluar me luspa.
Dhe kështu ata gjetën frymëzimin që ta mbulojnë me një armaturë të fortë robotin, por mjaftueshëm sa për ta lënë që të lëvizë në mënyrë fleksibël dhe pa probleme.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
