Të gjithë shqiptarët që kanë udhëtuar në drejtim të Francës dhe Gjermanisë duke shfrytëzuar regjimin e lirë të vizave, por që kanë shkelur apo mund të shkelin afatin 3-mujor të qëndrimit nuk do të penalizohen.
Lajmi është dhënë nga Ministria për Europën dhe Punët e Jashtme.
“Të gjithë shtetasit shqiptarë që ndodhen në Gjermani, të cilët tejkalojnë qëndrimin e lejuar në hapësirën Schengen dhe dëshmojnë se për shkak të situatës së Covid-19 e kanë të pamundur lëvizjen, nuk do të penalizohen”, thotë MEPJ.
I njëjti kusht për të mos u penalizuar kërkohet edhe prej autoriteteve franceze. Edhe këto të fundit nuk do të aplikojnë gjobat, apo ndëshkimet e tjera kufizuese të lëvizjes së lirë në zonën Shengen nëse dëshmohet se për shkak të koronavirusit qytetarët e kanë të pamundur që të rikthehen në Shqipëri.
Sa i përket shtetasve shqiptarë që ndodhen në Francë, të cilët tejkalojnë qëndrimin e lejuar në hapësirën Schengen dhe dëshmojnë se për shkak të situatës së Covid-19 e kanë të pamundur lëvizjen, MEPJ bën me dije se autoritetet franceze nuk do të vendosin asnjë penalitet.
Gjithashtu, autoritetet franceze kanë informuar se shtetasit e vendeve të tjera, nuk do të lejohen të hyjnë në Francë për 30 ditët e ardhshme, me përjashtim të atyre që kanë lejeqëndrimi të vlefshme në Francë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.