.png)
Lefter Maliqi, kandidati i koalicionit “Bashkë Fitojmë” në Kuçovë ka përgënjeshtruar lajmin se Kristo Agalliu është arrestuar për shit-blerje votash.
Në një postim në rrjete sociale, Maliqi thotë se Agalliu është votues i PS dhe s’ka asnjë lidhje me Partinë e Lirisë apo PD.
“Përgënjeshtrim dhe shpifje e Policisë së Shtetit të urdhëruar nga Çuçi si drejtues i dështuar i Qarkut Berat. Arrestimi i Kristo Agalliut është kombinacion i metodave inskenuese të Policisë së Shtetit me urdhër të Çuçit, pasi ky shtetas me origjinë nga Kuçova është votues i Partisë Socialiste me probleme shëndetësore dhe nuk ka lidhje as me Partinë e Lirisë dhe as me PD.
Ftoj kukullën Çuçi në debat televiziv t’i nxjerr të gjitha provat! Si po kërcënojnë vartësit e tij votuesit! Si po përdor policinë natën në mbështetje të drejtorëve të Bashkisë që ndajnë ndihma, joshin natën votuesit duke fikur dritat nëpër lagjet e qytetit etj. Uragani i fitores nuk ndalet! Çuç dështaku bashkë me kandidatin kukull Kreshnik Salillari do marrin ndëshkimin e merituar! Uragani popullor nuk ndalet!” shkroi Maliqi.
Ka reaguar edhe Kreu i Partisë së Lirisë, Ilir Meta.“Kjo është një lojë e Bledi Çuçit. Janë inskenime të mjera të tij. Të gjithë e dimë që Çuçi është një kapter i Edi Ramës dhe zbaton urdhrat e tij”
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
