.png)
Gazeta Si – Një episod i pakëndshëm ndodhi në derbin mes Liverpulit dhe Evertonit në Premier Ligë. Menjëherë pas anulimit të golit të Evertonit nga VAR-i për pozicion jashtë loje të Coady, një shishe plastike u hodh nga tribuna kryesore drejt Jurgen Klop.
Por në Angli nuk të falin dhe autori është nxjerrë menjëherë jashtë stadiumit. Klubi i Evertonit ka shprehur gatishmërinë për të bashkëpunuar me policinë e Merseyside, nëse vendos që çështja të vazhdojë më tej.
Pas ndeshjes, trajneri i Liverpulit, Jurgen Klop, deklaroi: "Nuk e pashë në atë moment, por ja po e shoh tani, sepse është ende në 'skenën e krimit'. Mendova se mos ishte një shishe qelqi dhe atëherë do të ishte vërtet e rrezikshme. Nuk ishte kështu, ishte plastike".
Derbi përfundoi në barazim 0-0 dhe tashmë pozitat e trajneri gjerman janë lëkundur disi, pasi starti i sezonit është larg pritshmërive.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
